Úr fórum föður míns

Ég reifaði hér í Tímariti Máls og menningar haustið 2010 tilurð og afdrif sönglags föður míns, Gylfa Þ. Gíslasonar, við kvæði Halldórs Laxness, „Íslenskt vögguljóð á Hörpu“, og birti lagið í fyrsta sinn í nýrri raddsetningu handa blönduðum kór. Kór Íslensku óperunnar frumflutti lagið í þessum nýja búningi undir stjórn Garðars Cortes í Hátíðasal Háskóla Íslands 27. desember 2010 við afhjúpun brjóstmyndar af Gylfa eftir Erling Jónsson myndhöggvara.

Hér kemur meira: Þrjú lög sem ég hef raddsett handa blönduðum kór, tvö eftir Gylfa og eitt við kvæði eftir Gylfa frá menntaskólaárum hans. TMM birti frásögn af lögunum þrem og lögin sjálf í tvennu lagi 2013, 3. og 4. hefti. Sjá frásögnina í 3. hefti í hlekknum að neðan og lögin í 4. hefti hér:

https://timarit.is/page/7078559#page/n145/mode/2up