Ekki land mitt
Lag við kvæði eftir Önnu Akhamatovu í þýðingu Regínu Stefnisdóttur.
Bjarni Thor Kristinsson bassi og Ástríður Alda Sigurðardóttir píanó munu flytja lagið á tónleikum í Hörpu 3. september 2023.
Ekki land mitt (einsöngur og píanó): PDF, Sibelius
Ekki land mitt, en
eilíft í minni mínu,
öldur sjávar þess
kaldar og ferskar.
Sandur á botninum
hvítari en kalk,
loftið teigað sem vín,
síðsólargeislar
slá roða á
greinar furutrjánna.
Sólsetur í óræðum öldum:
Ég fæ ekki séð
hvort dagurinn er á enda
eða veröldin,
eða hvort leynd allra leynda
hvílir innra með mér á ný.