Fimm árstíðir

Fimm árstíðir eru fimm sönglög eftir Þorvald Gylfason við ljóð eftir Snorra Hjartarson. Kvæðin eru Haustið er komið, Ísabrot, Vor og Sumarkvöld, einu nafni Fjórar árstíðir, og loks Í Úlfdölum, fimmta árstíðin.

Hallveig Rúnarsdóttir sópran, Elmar Gilbertsson tenór og Snorri Sigfús Birgisson píanó frumfluttu ljóðaflokkinn fyrir fullum sal í Hannesarholti í Reykjavík 11. marz 2017. Höfundur laganna flutti stuttar skýringar og las kvæðin fyrir áheyrendur áður en þau voru sungin og leikin. Kvikmyndafélagið Í einni sæng ásamt Hljóðsmiðjunni tók konsertinn upp fyrir sjónvarp. Myndin verður sýnd í RÚV 5. apríl 2021. Hljómsveitarútsetning laganna er í undirbúningi svo að þau Hallveig og Elmar geti flutt þau aftur með sinfóníuhljómsveit.

Kápuhönnun og mynd:
Jón Kristinn Cortez og Vignir Jóhannsson.